NOTA DE IMPRENSA

 Desde fai varias semanas agardando pola  colocación das arbores e os bancos

A.V. DE TEIS DEMANDA A FINALIZACIÓN DAS OBRAS

NA RÚA ENRIQUE LORENZO.

 

A Asociación Veciñal de Teis, demanda do Concello de Vigo a finalización das obras na rúa Enrique Lorenzo e a súa apertura, logo de case un ano de obras.

As obras nesta rúa comezaron primeiro coa mellora da rede de abastecemento de auga ao Morrazo, feita por Augas de Galicia e no verán comezou o Concello de Vigo coas obras de mellora da rúa.

Lembremos que durante as obras que realizaba o Concello de Vigo para a remodelación da rúa, a veciñanza paralizou as mesmas durante dous días  do mes de agosto de 2012, até coñecer o proxecto da obra e demandar melloras na mesma, que finalmente conseguiuse, unha vez máis grazas a mobilización veciñal.

A situación actual é que logo de tanto meses de obras, a última fase foi o asfaltado desta rúa a comezos do abril xa con demora. Agora estamos desde fai varias semanas agardando pola colocación das arbores e os bancos. Que permitan dunha vez finalizar estas obras e abrir está rúa.

Desde a Asociación Veciñal de Teis, descoñecemos  cal é o motivo para non rematar estas obras, neste vial tan importante no barrio de Teis.

 

 

Vigo 1 de maio de 2013

 

 

 

Asdo. Anxo Iglesias Covelo.

Secretario da A.V. de Teis.