A Asociación Veciñal de Teis, quer denunciar que o “ mato invade “ os camiños e rúas da parroquia de Teis. Desde hai moitas semanas o goberno municipal, non roza os camiños e rúas de Teis e a vexetación invade todo.
Temos que ter en conta que a parroquia de Teis, moi poboada, conta cunha superficie moi periurbana e polo tanto cunha ampla rede de camiños e rúas, que necesitan un mantemento constante, que debe incluír rozar a vexetación.
O mal estado dos camiños e rúas, provoca molestias a veciñanza, pois impide algo tan básico, como o paso veciñanza ou nalgúns o caso dos propios vehículos.
Desde a Asociación, xa solicitamos hai días ao goberno municipal que se proceda a limpeza dos camiños e rúas de Teis, cheos de vexetación.
