Unha representación da xunta directiva da Asociación Veciñal de Teis, mantivo na tarde do pasado luns unha xuntanza coa Autoridade Portuaria de Vigo (APV), coa presenza do presidente Carlos Botana e o director Rubén Marín, entre outros responsábeis da APV.
Nesta xuntanza entre ambas entidades, tratáronse asuntos que afectan a veciñanza de Teis ( A Cacharela, o impacto do ruído e a recuperación dos terreos de A Lagoa).
Cacharela.
O pasado verán finalizaron as obras que se realizaron nunha concesión do porto na Cacharela, ao carón da praia da Arealonga, que permitiron recuperar un espazo para a veciñanza coa creación dunha praza pública con vistas a ría.
Está actuación foi unha proposta da Asociación Veciñal de Teis, que se lle trasladou en varias xuntanzas celebradas ao longo do ano 2024, a Autoridade Portuaria de Vigo.
Desde a Asociación Veciñal de Teis, logo desta actuación, consideramos necesario seguir actuando neste parte do litoral de Teis. A Autoridade Portuaria de Vigo, avanzou que está elaborando un proxecto para humanizar o camiño que comunica as praias da Arealonga e o Mende, que esta realizado no verán de 2027.
O impacto do ruído.
Desde hai anos a veciñanza que vive no entorno de Guixar, o ruído provocado pola actividade portuaria e especialmente o movemento dos contedores. O pasado ano a APV, comprometeuse a elaborar un estudo do ruído que seica está finalizado e onde se recollen medidas para reducir o impacto
Desde a Asociación Veciñal de Teis, solicitamos unha copia deste estudo e que se celebre unha xuntanza entre a veciñanza e a APV, para que se escoite a veciñanza afectada e que medidas se van tomar para eliminar estas molestias. A APV, comprometeuse a enviar o estudo e a celebrar unha xuntanza coa veciñanza
A recuperación da Lagoa.
A Asociación Veciñal de Teis, considera fundamental recuperar os terreos da Lagoa, que agora están ocupados na súa maioría pola empresa Regenasa, e que finaliza a súa concesión en decembro 2027.
Nas alegacións presentadas pola Asociación en outubro de 2024, ao documento Delimitación de Espazos e Usos Portuarios, xa solicitamos que os terreos ocupados actualmente pola concesión de Regenasa e por Freiremar, pasen a ter o uso de interacción porto cidade.
