A Asociación Veciñal de Teis, organiza este vindeiro final de semana, o sábado 14 e o domingo 15 de setembro a “ Teis Fest” na praza da ETEA.
Este é o sétimo ano que realizamos a festa na praza da ETEA, con varios obxectivos, que sexan unha xornada de convivencia entre a veciñanza, darlle uso e por en valor os terreos da antiga ETEA, que durante moitos anos até o 2002, estivo prohibido o aceso da veciñanza aos mesmos ao ser unhas instalacións militares. Desde que celebraremos a festa na ETEA, a asistencia da veciñanza medra ano a ano.
A festa veciñal terá un amplo programa de actividades ao longo da xornada do sábado e que ampliamos o domingo, que inclúe un xantar veciñal, concertos, atraccións infantís, festa da escuma, bar, etc.
Xantar veciñal
Unha das actividades máis importantes na festa, é o xantar veciñal que será o sábado 14 ás 14:00 horas, para participar hai que anotarse previamente no local da Asociación, con data limite este xoves 12.
Este ano vaise elaborar na propia festa carne o caldeiro, ademais de empanada, sobremesa, bebidas e café. O prezo é de 25 euros para socios/as e 30 euros non socios/as.
A posta pola música local.
Desde a Asociación, apostamos pola música local e de feito das 4 actuacións, 3 son grupos de Vigo: “ O Faro da Guía, “ Sonido de Teis “ e “ Sun Iou “
Atraccións infantís e a festa da escuma.
Durante todo o final de semana haberá actuacións infantís na praza da ETEA a prezos reducido ( 3 euros) e o domingo ás 18:00 h, a festa da escuma.
14 de setembro
- 12:30 h. Exhibición Zumba.
- 14:00 h. Xantar veciñal.
- 18:00 h. Grupo “ O Faro da Guía”
- 20:00 h. Sonido de Teis.
- 21:30 h. Sun Iou.
- 23:00 h. Tecor Societario
15 de setembro
- 18:00 h. Festa da escuma.
