NOTA DE IMPRENSA

OS ACORDOS DO PLENO MUNICIPAL, NON PODEN SER PAPEL MOLLADO

A.V. DE TEIS, DENUNCIA A EXISTENCIA NESTES ÚLTIMOS MESES DE 30 ROTURAS NO BARRIO

 

A Asociación Veciñal de Teis,  leva contabilizadas 30 roturas de tubaxes no barrio de Teis, nos últimos meses, debido ao deterioro e mal estado da rede de abastacemento de auga.

As dúas últimas roturas de tubaxes nesta semana, na avenida da Mariña e no camiño de Cancelo, respectivamente.

As roturas supoñen o corte do suministro de auga, o deterioro das rúas e camiños  con continuos remendos, nalgúns casos danos aos electrodomésticos e propiedades. Ademais de constatar un pésimo servizo da concesionaria municipal Aqualia, que se lucra cos nosos cartos.

Desde A.V. de Teis, demandamos  o cumprimento do acordo plenario de xaneiro deste ano, que comprometía ao goberno municipal a elaboracíón dun plan de mellora da rede de abastecemento no barrio, debido as continuas roturas. Logo de sete meses o goberno municipal non executa o acordo, como en moitos outros caso, para a indignación da veciñanza. Os acordos do pleno municipal non poden ser papel mollado.     

A Asociación, xa que o Concelleiro de Fomento, nin o Alcalde, reciben a asociación ou a veciñanza afectada, que visiten o barrio de Teis, para dar explicacións a veciñanza desta situación escandalosa.

 

Vigo 28 de xullo de 2013

 

Asdo. Anxo Iglesias Covelo.

Secretario da A.V. de Teis