A Asociación Veciñal de Teis, quer denunciar que na mañá do sábado 21 de novembro   produciuse un novo vertido   na EDAR de Teis, como se pode comprobar no vídeo gravado por un veciño  desde a súa embarcación.

Este tipo de vertidos son frecuentes desde hai anos e denunciáronse por parte da veciñanza reiteradamente. Os anteriores vertidos  producíronse o domingo  14 de novembro e o sábado 10 de outubro. Os vertidos son constantes sempre nos fins de semana.     

Estes vertidos foron denunciados por escrito a Concellaría de Fomento e Servizos do Concello, solicitando que se tomaran as medidas necesarias para que non se produzan máis vertidos a ría de augas sen depurar e  que se garanta un bo funcionamento desta planta depuradora. Tamén denunciamos estes vertidos a Aqualia e a Augas de Galiza.  Como é habitual desde o Concello, non tivemos ningunha resposta  e os vertidos seguen producíndose.

Non é normal que se produzan vertidos a ría de xeito continuado desde unha depuradora, co dano que isto provoca ao medio ambiente. Polo que esiximos do Concello e da empresa concesionaria Aqualia, que se tomen medidas para evitar novos vertidos